|
|
|
Venres, 29 de Maio do 2009 |
 A Plataforma Enerxe presenta a súa segunda publicación monográfica titulada "Pilas de Combustible". Nesta nova publicación faise un percorrido pola historia dous distintos tipos de pilas, dende a primeira batería voltaica de gas presentada en 1842 por William R. Grove ata as diferentes tecnoloxías actuais. Non Volume II se desenvolven os principios básicos de funcionamento das pilas, o análise da súa eficiencia, e das diferentes perdas que fan que a curva de polarización se desvíe do valor teórico.
A pila de combustible é un dispositivo que opera de xeito similar a unha batería, pero, ao contraria desta, non se esgota nin necesita recarga. Mentres lle sexa subministrado "combustible" producirá enerxía en forma de calor e electricidade. Nun sistema enerxético baseado no hidróxeno os vectores enerxéticos serían o hidróxeno e a electricidade, mutuamente complementarios. A electricidade pódese conseguir a partir do hidróxeno en pilas e o hidróxeno pódese obter a partir da electricidade mediante a electrólise da auga. Este conxunto cumpre as dúas condicións necesarias dun sistema enerxético sostible, posibilita o almacenamento de enerxía e é un produto enerxético que pode transportarse a longas distancias.
Documento: Monografías Enerxe – Volume II, Pilas de Combustible. Versión: Galego (PDF, 1,12 MB), Castelán (PDF, 1,12 MB)
|
|
|
Xoves, 02 de Xullo do 2009 |
 A Plataforma Enerxe informa que actualmente a Dirección Xeral de I+D+i da Consellería de Economía e Industria ten abertas as seguintes convocatorias:
Promoción Xeral da Investigación 2009: Orde do 3 de xuño de 2009 pola que se establecen as bases para a concesión, en réxime de concorrencia competitiva, das subvencións correspondentes ao Programa de promoción xeral de investigación do Plan galego de investigación, desenvolvemento e innovación tecnolóxica (Incite) e se procede á súa convocatoria para o ano 2009. A data da convocatoria en DOG foi o 12 de xuño de 2009 e a data do fin de prazo é o 13 de xullo de 2009.
|
|
Ler máis...
|
|
|
Venres, 26 de Xuño do 2009 |
 O vindeiro mes de setembro, a REDE NEURONA porá en marcha un novo servizo: “Obradoiros de preparación de propostas para presentar ao Fondo Tecnolóxico”. O obxectivo é preparar propostas para a convocatoria do Fondo Tecnolóxico xestionado por CDTI. A información sobre esta convocatoria pódese consultar na web do CDTI e na web de NEURONA, no buscador de fondos e subvencións, indicando Fondo Tecnolóxico no campo aberto do buscador. Este obradoiro está dirixido a todo tipo de empresas e organismos de intermediación interesados, e se contará coa presencia de expertos do CDTI e da Área de Financiamento de UNITE. Todas aquelas entidades que teñan interés en participar poden contactar coa Secretaría Técnica de Enerxe, no correo
Este enderezo de correo-e está protexido contra spam bots, necesita ter o Javascript activado para podelo ver
|
|
|
Venres, 26 de Xuño do 2009 |
O pasado día 24 de xuño, a Secretaría Técnica de Enerxe participou en Vigo na xornada "TIC to Market", organizada pola Asociación Multisectorial de Novas Tecnoloxías da Información e Comunicación (INEO). Nesta xornada presentáronse ás empresas do sector TIC as estratexias que se están a desenvolver a nivel rexional para a mellora da competitividade noutros sectores, en concreto no sector da madeira, a acuicultura e o sector enerxético. Na intervención de Enerxe realizouse unha análise da situación actual da I+D+i do sector enerxético en Galicia e sinaláronse as posibles liñas de cooperación entre o sector da enerxía e o sector das novas tecnoloxías. Ao finalizar as distintas intervencións, a Secretaría de Enerxe mantivo unha rolda de encontros cos representantes das seguintes empresas asociadas a INEO: Crossnet IP Solutions, Pexego, Imaxdi, Imatia, Seresco, Grupo P&A, Teostek e Level Telecom.
|
|
|
Luns, 22 de Xuño do 2009 |
 O Instituto Tecnológico de Galicia estableceu un acordo de colaboración con AENOR para impartir en Galicia a súa oferta formativa. O curso é de carácter presencial e utilízase unha metodoloxía práctica e participativa que favorece a aplicabilidade posterior por parte dos asistentes. Os obxectivos do curso "Xestión da Eficiencia Enerxética" son:
- Afrontar os procesos de mellora do uso da enerxía nos procesos produtivos atendendo ás actividades operativas da organización (xestión), tendo en conta a eficiencia enerxética na planificación empresarial no medio e longo prazo (estratexia), e incorporando novos desenvolvementos enerxéticos ou políticas enerxéticas innovadoras (innovación).
- Definir os elementos básicos dos Sistemas de Xestión Enerxética.
- Avaliar os beneficios técnicos e económicos da mellora na eficiencia enerxética dos procesos.
- Identificar os elementos clave da eficiencia enerxética.
O curso terá lugar os días 24 e 25 de xuño na Coruña, e consta de 14 horas presenciais. Está destinado a directores de medio, directores de produción e responsables de control de xestión financeira, xefes de planta, así como calquera persoa interesada en adquirir unha formación que poida desenvolver na súa carreira profesional nun futuro. Máis información e inscricións no seguinte link.
|
|
|
Xoves, 11 de Xuño do 2009 |
 Terá lugar o vindeiro día 30 de xuño, na Sala de Conferencias do Centro Social Caixanova en Vigo, en horario de 16:00 a 20:00 horas. Organizado conxuntamente por Aproin e EnergyLab, contará coa participación de expertos en iluminación, climatización, e domótica.
O sector edificación presenta unha gran incidencia no consumo enerxético, xa que en España é o terceiro consumidor de enerxía final, cunha cota do 17% na demanda enerxética nacional e un aporte do 26% ás emisións de gases de efecto invernadoiro. Por este motivo deben terse en consideración as diversas medidas de eficiencia enerxética adaptadas ás condicións climáticas locais.
O programa da xornada contempla as seguintes intervencións: “Eficiencia enerxética aplicada á planificación urbanística, deseño arquitectónico do edificio e rehabilitación”, “Presentación do Plan de Subvencións en Edificación do Inega”, “Sistemas de eficiencia enerxética das instalación de climatización/calefacción e AQS en edificios”, “Sistemas de eficiencia enerxética en iluminación”, “Contribución da domótica ó aforro enerxético”. O final da xornada terá lugar unha mesa redonda e coloquio coa participación dos ponentes.
Máis información e inscricións no seguinte link.
|
|
|
Martes, 19 de Maio do 2009 |
 Dentro do ámbito do Programa de Cooperación Transfronteiriza España-Portugal 2007-2013, o Instituto Enerxético de Galicia (Inega) e o Instituto Politécnico de Viana do Castelo (Ipvc) coordinan un consorcio de concellos galegos e portugueses, co obxectivo de estimular a posta en marcha de proxectos conxuntos de utilización compartida de recursos enerxéticos e de operacións de diversificación enerxética.
Titulado "Enerxía Sostible Local" (ESOL), o proxecto integra un consorcio formado por Inega, Ipvc, os concellos de Verín, Baltar, A Mezquita, Riós e as cámaras municipais de Chaves e Vinhais. O proxecto comprende un investimento superior a 1,2 millóns de euros, financiados nun 75% polo Fondo Europeo FEDER, e a súa duración será de dous anos. O reparto orzamentario entre os socios de proxecto e o seguinte: 134.400 euros no concello de Verín, 103.000 euros no concello de Riós, 100.650 euros no concello de Baltar, 136.500 euros no concello de A Mezquita, 111.000 euros no Instituto Politécnico de Viana, 140.000 euros na cámara municipal de Chaves e 100.000 euros na cámara municipal de Vinhais.
|
|
Ler máis...
|
|
| << Inicio < Ant. 1 2 3 4 5 6 7 8 9 10 Seg. > Remate >>
| | Resultados 1 - 7 de 85 |
|
|
|
|
